近日股市大上大落,散戶隨時中招,聽聞有客人早前以$83元一股入購買匯控,當時認為是低水入市時機,於是大手入貨,怎料低處未算低其股價瀉去到$65一股客只有大呻跌眼鏡之餘唯有安慰自己遲些會見家鄉的,不過心情無論如何都有多少影響,與此同時另一客人買家則認為股市跌,樓市亦應下跌,樓市跌勢最少會延伸到年尾,你們做經紀這些日子可能比較難開單啦!筆者聽了心中當然有些不快及憂心,還幸他又說如果那些股民要套現補倉而賤賣物業你要第一個通知我呀!有筍貨一定買的,當然此位買家是有實力之客人。他們買貨不用依賴銀行按揭,但如遇上有筍盤但又要經銀行做按揭買賣的,便有少少難題了,因有大部份銀行都收緊按揭成數及估價特低,如業主叫價壹仟萬,銀行只估價700-800萬,按揭又只做4成至5成,即買家要有600萬現金才可以買到心頭好了.又有傳聞中說有些銀行已不做估價及不做貸款給客人買物業了,若是真的,買賣物業肯定受影響,如斯景況,經紀們唯有寄望明天會更好,及要更加努力去發掘筍盤才可沖出困局。